...FOTOS: Unsere liebenswürdigen "Fanclub-Saarländer": Lilnks das Ehepaar Lissy und Karsten Schmidt (Saarlouis), rechts Bernd Strassel (Saarlouis).Saarlänner uff em Betzebersch…(…do sinn se liewer als in der Kerch!) Saarlänner uff em Betzebersch,do sinn se liewer als in der Kerch!Die Ex-Franzose misse no Lautre flichte,dass mimm Fußball kinne nur die Pälzer richte!Vor de Abfahrt dun se sich schnell nochmool strippe –die Betzebuggs ahn un’s Trikot uff die Rippe!Kaum stehn se im Block, wirre die Hänn geriwweltun geplärrt, weil de Betze die Geschner zwiwwelt.Wann die Zuschauer dann weije dem Schiri bue,sinn viel Saarlänner drunner, die dort Fußball lue!Eiskalt gehe die sportlich näwenausun mache sich do iwwerhaupt nix draus!Das is bei denne Saarloodries so e Marrott,drum wirre se fahneflichtisch allegebott,Awwer wehe, wanns hinne innschlaad, oh Leck,dann krien se sogar im Pälzer Land die Frägg.Aus tausende Kehle herd ma denne ehr Gellawer,bei jedem Gejedoor is Geduuns un Ballawer.Wanns nitt laafd, dann haue se uff de Butz:„Die spiele so, als hätten se die Strutz!“Doch kriet de Geschner ahstännisch in die Hitt,sinn se met de Welt allegar widder quitt!Falls die Spieler renne, kämpfe, kratze,dun sich alle Fäns so rischdisch latze.Ziggt de Schiri awwer gähle un rode Kade,flippt vun denne so mancher aus un will `ne schwade.Debei bringt se so e Mengenkes net weiter –do sinn die Pälzer e klään bissje gescheiter!Die bleiwe weg vun dem chaotische Choresun behallen die Nerve bei so nem Zores!Drumm greif in de Paus zum Fixfeier und zind’der genussvoll eh gudd Klebsche an geschwind!Un wann se in de zwett Helft es Ergebnis heher schrauwe,vergessen sogar all die Saarlänner ihr ganze Naube.Jeder is froh, känner is schnäägisch -niemand letzohrisch, känner dägisch.All duun se im Block e’rum un sinn gudd druff,grembele die Ärm e’runner un e’ruff!Jeder Saarlänner singt aussewenzisch es Betzeliedun is no innewenzisch stolz, so dass es niemand sieht!Pälzer Kicker, eh saarlännisch Bier, saarlännischer Lyoner, das lieben mir. Pälzer Gesang, eh sarlännisch’ Schmier,pälzischer Spielwitz, genau das wolle mir!Pälzer Spieler, Pälzer Super-Schdars,saarlännische Fußball-Experte, das war’s.So hasch’ de jetzt alles, dass de glicklisch werschim Fußball-Paradies uff em Betzebersch!Awwer net all sinn wehe em Fußball im Stadion drin,e paar Mädscha hann nur die flotte Spieler im Sinn.Uff em Betze kriet so ähn goldischi Krott,eh greßerie Auswahl wie dehemm gebott.Das sinn kään Iwwerstänner, die sinn ah nitt schro,do schlaad so manch saarlännisch Herzje geggisch froh.Sogar de ähn odder anner verbischderte Haafe,dud deswä immer mol widder denne Bersch ruff laafe!No dem Spiel sinn se all mitenanner bibb,riskieren net mol meh eh diggi Lipp.Is nix gelaaf, krie’n se die Flemmun wolle schnellschdens no mol hemm.Am Budsche schnell noch e Roschdwurschd schnappeun e Karlsbersch dezu, dann is zappe.Schunn geht’s widder hemm, zum Schwenke an die Saar -„…wie wunnerschehns doch in de Palz widder war!“Saarlänner uff em Betzebersch,do ware se liewer als in de Kerch!Die Ex-Franzose mussten no Lautre flichte,dass mimm Fußball kunte nur die Pälzer richte!Vor de Hemmfahrd dun se sich schnell nochmol strippe,die Betzebuggs aus un’s Trikot vunn de Rippe.Saarlänner uff em Betzebersch,do ware se liewer als in de Kerch!